Leikir helgarinnar á Livey

Í vetur verða að alla jöfnu tveir leikir um helgar í beinni á Livey. Þessa helgi fáum við tvo leiki á besta tíma með nóg af spennandi leikmönnum og sögulínum.

Byrjum þessa veislu á

Portland Trailblazers @ Utah Jazz

Laugardag 31. október Kl. 19:00
Lýsandi - Sigurður Orri Kristjánsson

Portland byrjar tímabilið vel, 3-1, með 41 stigs sigri á Suns í fyrsta leik og útisigrum í Sacramento og Los Angeles. Á fimmtudag kom svo skellur gegn Memphis, 124-103 tap og það var ekki það versta sem gerðist í leiknum. Ja Morant mætti sínum gömlu félögum í fyrsta sinn, en fór út með tognun á öðru stigi aftan í vinstra læri og verður frá í að minnsta kosti fjórar vikur. Jrue Holiday mun líklegast taka sæti hans í byrjunarliðinu en hann kemur með allt aðra vídd inn í leikinn og spilar mun meiri og betrivörn. Deni Avdija var stigahæstur gegn Memphis með 24 stig og mun eflaust vera það aftur núna gegn Utah. Shaedon Sharpe er enn frá eftir aðgerð á hné, og þeir Robert Williams III og Chris Youngblood eru tæpir.

Utah hefur byrjað tímabilið illa, 1-4 eða akkúrat öfugt við Portland og kemur inn í leikinn eftir þrjú töp í röð. Eini sigurinn kom gegn New Orleans, 120-119 en síðan hafa Memphis, Lakers og Spurs sigrað þá. Jaren Jackson Jr., sem Utah fékk til að binda enda á endurbygginguna á miðju tímabili í fyrra ref liðþófa í hné þegar Ty Jerome féll á hann gegn gamla liðinu hans og verður hann frá í sex til átta vikur. Jusuf Nurkić er líka frá og Lauri Markkanen er tæpur með tognun á úlnlið svo breiddin í stóru stöðunum er næstum engin. Þetta er fyrsta viðureign liðanna á tímabilinu en Portland vann alla fjóra leikina í fyrra þar á meðal 136-134 sigur í Utah í október.

Boston Celtics @ Orlando Magic

Laugardag 31. október Kl. 20:30
Lýsandi - Leó Már Jónsson

Boston tapaði fyrsta leiknum í Detroit en hefur svarað með fjórum sigrum í röð, 4-1. Jayson Tatum er að koma til baka eftir slitna hásin og er að skora sirka 28 stig að meðaltali. Hann skoraði sigurkörfu á lokaflautinu gegn Brooklyn við vítalínuna sem var fyrsta sigurkarfa hans eftir endurkomuna í vor. Paul George hefur verið upp og niður eins og kannski mátti búast við en hann og Tatum eru í mjög góðu jafnvægi og virðast spila vel saman. Payton Pritchard skoraði 30 stig í sigri á Bulls í NBA Cup á föstudag. Aðeins Devin Carter er á meiðslalistanum, og Tatum, George og Mitchell Robinson eru allir heilir.

Orlando er 2-3 og glímir við meiðslakrísu. Paolo Banchero er með tognun á ökkla og verður frá fram undir 22. nóvember, Jalen Suggs er með mar á beini í hné. Þrátt fyrir það sýndi liðið karakter og vann Knicks í New York án Banchero og eftir 30 stiga skell í Toronto á miðvikudag svaraði það með 121-114 sigri á sama stað á föstudag. Desmond Bane skoraði 28 stig og Franz Wagner 26 stig og 11 stoðsendingar. Nýr þjálfari, Sean Sweeney, er að taka við liðinu og Nikola Vučević er kominn aftur til Orlando eftir stutt stopp í Boston. Þetta er fyrsta viðureign liðanna í vetur, en Celtics unnu seríuna 3-1 í fyrra, og þau mætast aftur í Boston aðfaranótt 17. nóvember.

Tveir skemmtilegir leikir og báðir með íslenskum lýsendum, tryggðu þér áskrift á Livey: https://watch.livey.events/subscriptions