Westbrook heiðraður

Félagið tilkynnti þetta á mánudag.

Westbrook var valinn í fyrstu umferð nýliðavalsins 2008 af Seattle SuperSonics, sem fluttu til Oklahoma City það sama sumar og urðu að Thunder. Hann spilaði því sitt fyrsta tímabil í nýrri borg og lék fyrstu 11 af 18 tímabilum sínum í NBA með félaginu.

„Margir leikmenn hafa áhrif, en aðeins þeir bestu skilja eftir sig arfleifð. Arfleifð Russells Westbrook var byggð bæði inni á vellinum og í samfélaginu.“

„Hugarfar hans var óbilandi og skuldbinding hans djúp. Af öllum þessum ástæðum líta íbúar Oklahoma á hann sem einn af sínum og númerið hans verður dregið upp í rjáfur í Oklahoma City að eilífu.“

Sagði Sam Presti, varaforseti og framkvæmdastjóri Thunder, í yfirlýsingu.

Westbrook var valinn verðmætasti leikmaður deildarinnar tímabilið 2017, þegar hann skoraði 31,6 stig, tók 10,7 fráköst og gaf 10,4 stoðsendingar að meðaltali í leik. Hann náði þrefaldri tvennu að meðaltali á næstu tveimur tímabilum með liðinu. Thunder skiptu honum frá sér sumarið 2019.

Westbrook er aðeins annar leikmaður Thunder sem fær treyju sína hengda upp, á eftir Nick Collison.

Russell lagði skóna á hilluna í sumar, þrátt fyrir að nokkur lið hefðu viljað fá hann, því hann vildi enda ferilinn á sínum eigin forsendum.

Það er engin spurning að Westbrook er einn sá besti sem hefur klæðst Thunder treyjunni.