NBA-fréttir
Yaxel Lendeborg kaupir hús handa móður sinni
Yaxel Lendeborg átti stóra helgi, 23 stig í sigri á Orlando og hús handa mömmu.

Nýliðinn Yaxel Lendeborg hjá Golden State Warriors gaf móður sinni, Yissel Raposo, hús og flutti hana frá New Jersey til Kaliforníu. Hann birti atriðið í fyrsta myndbandinu á YouTube rásinni sinni, myndbandið heitir „This one’s for Mama Yax“ og þar sést hún taka við lyklunum með tárin í augunum.
„Fyrir mig er þetta stærra en körfubolti,“
Skrifaði Lendeborg með myndbandinu.
„Hún á skilið allt. Þetta snýst um að tryggja að fólkið sem trúði á mig fái líka að njóta blessunarinnar.“
Eftir sigur Warriors á Orlando á laugardag ræddi hann við fjölmiðla um hugmyndina
„Þetta hefur verið eitthvað sem mig hefur langað til að gera síðan í menntaskóla“
sagði hann og bætti við að fjölskylduhúsið hefði ekki verið slæmt, en að það hefði ekki hentað öllum sex í fjölskyldunni.
„Ég þurfti að vinna eins hart og ég gat til að gera þetta fyrir mömmu.“
Í myndbandinu segir hann við hana „Velkomin heim.“
Steve Kerr sagði gjörninginn „ótrúlegan“ og „hjartnæman“. Lendeborg hefur skorað 21,2 stig, tekið 7,2 fráköst og gefið 4 stoðsendingar að meðaltali í fyrstu tíu leikjunum og skoraði 23 stig í sigri á Orlando á laugardag.
